لاہور ( این این آئی) محکمہ انسداد دہشت گردی (سی ٹی ڈی ) نے پنجاب بھر میں انٹیلی جنس بیسڈ آپریشن کر کے 9 مبینہ دہشت گردوں کو گرفتار کر لیا ،کارروائی کے دوران 2 آئی ای ڈی بم، 2768دھماکہ خیز مواد،13 ڈیٹونیٹر ،حفاظتی فیوز،اسلحہ، کیش، گولیاں و دیگر سامان برآمد ہوا ۔ترجمان سی ٹی ڈی کے مطابق دہشت گردوں میں اعظم خان،منصور، فاروق، شامی پرویز، محمد صدیق، عبدالمنان، اسماعیل، عبدالرزاق،محمد بلال شامل ہیں جبکہ لاہور سے بھی دہشت گرد عبدالرزاق گرفتار کیا گیا۔دہشت دہشت اہم تنصیبات، شخصیات اور سرکاری عمارات پر تخریک کاری کرنا چاہتے تھے۔ترجمان سی ٹی ڈی کے مطابق ایک روز میں پنجاب میں 25 انٹیلی جنس آپریشنز کئے گئے،سات روز میں 372کومبنگ آپریشنز کے دوران 21،111افراد سے پوچھ گوچھ،36 مشتبہ افراد گرفتار، 33 ایف آئی آر درج ہوئیں ۔ ترجمان کے مطابق پنجاب بھر میں امن وامان کی فضا برقرار رکھنا سی ٹی ڈی کی اولین ترجیح میں شامل ہے ۔