کراچیٗ ٗلاہور(این این آئی) سندھ حکومت نے مفتی منیب الرحمان اور دیگر علما کے نام فورتھ شیڈول میں ڈالنے کی تیاری کرلی ہے۔ذرائع کے مطابق  تحریک  کے احتجاج اور ہنگامہ آرائی کی حمایت پر سندھ حکومت نے سابق چیئرمین رویت ہلال کمیٹی مفتی منیب الرحمان سمیت دیگر علما کے نام فورتھ

شیڈول میں ڈالنے کی تیاری کرلی ہے۔ اس حوالے سے محکمہ داخلہ سندھ نے ضلع شرقی کے تھانوں سے فورتھ شیڈول میں نام ڈالنے کے لئے تفصیلات طلب کرلی ہیں۔ذرائع کے مطابق فہرست میں مفتی منیب الرحمان کے علاوہ حاجی رفیق پردیسی، غلام غوث بغدادی، مولانا ریحان امجد نعمانی، علی محمد اسلم اور عامر چھوٹانی کا نام بھی شامل ہے، پولیس کی جانب سے دستاویزات مکمل کرکے سی ٹی ڈی کو بھجوائی جارہی ہیں، اور فہرست میں شامل تمام افراد کے نام فورتھ شیڈول میں ڈالنے کیلئے سفارشات تیار کی جارہی ہیں۔دوسری جانب محکمہ داخلہ نے تحریک کے عام کارکنوں کو رہا کردیا ۔ محکمہ داخلہ کے مطابق تحریک کے 800عام کارکنان کو رہا کیا جا چکا ہے تاہم ایف آئی آر زمیں نامزد ملزمان کو رہا نہیں کیا جائے گا ۔ محکمہ داخلہ کے مطابق تحریک کی قیادت کو بھی رہا نہیں کیا جارہا جبکہ فورتھ شیڈول سے نام بھی نہیں نکالے جائیں گے

موضوعات:مفتی منیب