چینی کے سینکڑوں بے نامی خریدار ایف بی آر کے ریڈار پر آ گئے ، انتہائی دھماکہ خیز انکشافات

  جمعہ‬‮ 5 جون‬‮ 2020  |  20:41

پشاور(آن لائن) پشاور سمیت صوبے بھر میں چینی کے سینکڑوں بے نامی خریدار ایف بی آر کے ریڈار پر آ گئے ہیں ۔ملک بھر میں چینی کے 74ہزار بے نامی خریدار وں کے خلاف ایف بی آر کے سیلز ٹیکس ایکٹ کے تحت مقدمات درج کر کے ان سے چوری شدہ ٹیکسوں کی ریکوری کے لئے پشاور ،لاہور ، کراچی ، ا سلام آباد ،کوئٹہ ، میں انٹیلی جنس اینڈ انوسٹی گیشن ونگ کی ٹیمیں تشکیل دیدی گئی ہیںشوگر انکوائری رپورٹ میں ملک کے 66شوگر ملوں سے تین برسوں کے دوران چینی خریدنے والے 74ہزار بے نامی خریداروں کے خلاف


کاروائی کا فیصلہ کیا ہے ایف بی آر ذرائع کے مطابق پشاور کے چینی کے سب سے بڑ ے ڈیلرز کے علاو ہ چھوٹے ڈیلرز اور صوبے کے دیگر ا ضلاع کے بڑے بڑے ڈیلرز کی تفصیلات اکھٹی کی جارہی ہے بے نامی خریداروں کی فہرستیں بھی تیار کی گئی ہے ۔ شوگر ملوں کی جانب سے ایف بی آر کو دیئے گئے ڈیٹا میں ان خریداروں کے شناختی کارڈ کے کوائف شامل نہیں ہیں ۔ صرف 17فیصد خریداروں کے شناختی کارڈ کے کوائف موجود ہیں۔ تاہم ان میں بھی زیادہ تر اصل خریداروں کے اپنی شناختی کارڈ نہیں ہیں بلکہ بے نامی خریداروں نے اپنے ڈرائیوروں،ملازمین اور دیگر غیرمتعلقہ افراد کے شناختی کارڈ کے ریکارڈ پر چینی خریدی ہے۔


موضوعات: