کراچی (این این آئی)کراچی طیارہ حادثے میں معجزانہ طور پر بچ جانے والے چیف ایگزیکٹو آفیسر (سی ای او) بینک آف پنجاب ظفر مسعود نے کہا ہے کہ الحمداللہ طبیعت بہت بہتر ہے، ماں کی دعائیں کام آگئیں۔ایک انٹرویومیں ظفر مسعود نے کہا کہ بہت تیزی سے ریکور کررہا ہوں، انشااللّٰہ جلد ٹھیک ہوجائوں گا۔دوسری جانب وائس چیئرمین نجی ہسپتال ڈاکٹر علی فرحان نے کہا کہ ظفر مسعود کے گھٹنے کی
ایم آر آئی رپورٹ کا انتظار ہے، گھٹنے پر معمولی فریکچر ہے۔ڈاکٹر علی فرحان کے مطابق ایم آر آئی رپورٹ کی بنیاد پر ضرورت پڑی تو آپریشن کریں گے۔انہوں نے بتایا کہ ظفر مسعود کے پورے جسم پر زخم آئے تھے تاہم وہ تیزی سے بھر گئے ہیں، ہاتھ کی ہڈی دو جگہ سے ٹوٹی تھی جس کا کامیاب آپریشن کیا گیا ہے۔ڈاکٹر علی فرحان کے مطابق امید ہے آئندہ چند روز میں ظفر مسعود کو گھر بھیج دیا جائے گا۔
