اسلام آباد (مانیٹرنگ ڈیسک)بیٹی کی میت سلیب پر جبکہ اہلیہ کی میت فرش پر پڑی تھی ، مناظر دیکھ کر میرا دل ٹوٹ گیا تھا ۔ تفصیلات کے مطابق نجی ٹی وی سے متاثرہ عارف فاروقی نے بات کرتے ہوئے بتایا کہ میں جب میت پہچانے کیلئے ایدھی کے سرد خانے پہنچا تو وہاں پر کوئی ڈیسک نہیں یا کوئی گائیڈ کرنے والا نہیں تھا ،
مجھے وہاں سے سرد خانے میں لے جایا گیا جب میں اندر میت کی پہچان کرنے کیلئے میت سرد خانے داخل ہوا تو میری اہلیہ کی میت فرش پر پڑی تھی جبکہ بیٹی کی میت سلیب پر تھی یہ منظر دیکھنے کے بعد میں اندر سے مکمل ٹوٹ گیا تھا ۔ان کا کہنا تھا کہ مجھے ڈی این اے ٹیسٹ کیلئے ایک ٹیم پنجاب سے جبکہ دوسری سندھ سے آئی ، مجھے سمجھ نہیں آیاکہ کس پر اعتماد کروں اور کس پر نہیں کیونکہ ڈی این اے سے لاشوں کی شناخت میں کوئی خاص مدد نہیں مل رہی تھی ۔ اپنی بیوی اور بیٹی کو ان کے کپڑوں سے پہچانا لیا تھا جبکہ ہاتھ میں پہنے ہوئے بینڈ کی وجہ سے شناخت میں مدد ملی ان کامزید کہنا تھا کہ بدقسمت طیار میںسوار ہونیوالوں میں میری بیوی اور اہلیہ بھی شامل تھیں جو حادثے میں خالق حقیقی سے جا ملیں ۔
