کچھ بھی کر لیں آنے والے دنوں میں کرونا وائرس کیسز بڑھنے ہی بڑھنے ہیںکیونکہ ۔۔ ؟ صوبائی وزیر صحت ڈاکٹر یاسمین راشد نے وجہ بیان کر دی

  بدھ‬‮ 8 اپریل‬‮ 2020  |  22:35

اسلام آباد(مانیٹرنگ ڈیسک) وزیر صحت پنجاب ڈاکٹر یاسمین راشد کا کہنا ہے کہ کچھ بھی کرلیں آنے والے دنوں میں کورونا کے کیسز بڑھنے ہی بڑھنے ہیں۔ نجی ٹی وی جیو کے مطابق صوبائی وزیر صحت ڈاکٹر یاسمین راشد نے لاہور میں میڈیا سے گفتگو کرتے ہوئے خبردار کیا ہے کہ 60 سال سے زائد عمرکے افراد گھروں سے نہ نکلیں، اْن کے لیے باہر زیادہ خطرہ ہے۔ڈاکٹر یاسمین راشدکا کہنا کہحکومت کورونا کی ٹیسٹنگ کی استعداد میں اضافہ کررہی ہے۔ جو حالات نظر آرہے ہیں اس میں مریضوں کی تعداد میں اضافہ دیکھ رہی ہوں۔ ان کا کہنا تھا


کہ لوگوں سے درخواست کرتی ہوں کہ وہ اپنے گھروں میں رہیں اور احتیاط کریں، اپنے بزرگوں کی صحت کے لیے ان سے فاصلہ اختیار کریں۔خیال رہے کہ پاکستان میں کورونا وائرس سے متاثرہ افراد کی تعداد 4 ہزار سے تجاوز کرچکی ہے جن میں سے 61افراد ہلاک ہوچکے ہیں۔


موضوعات: