سکھر( آن لائن)پیپلزپارٹی کے رہنما خورشیدشاہ نے کہا ہے کہ 32سالہ سیاسی زندگی متاثر ہوئی اب چاہتاہوں دودھ کادودھ اورپانی کاپانی ہوجائے,جے آئی ٹی سمیت تمام اداروں سے تعاون کرتارہوں گا،ملک میں انصاف ہوتارہاتو ملک کوترقی یا فتہ ہونے سے کوئی نہیں روک سکتا۔تفصیلا ت کے مطابق  پیپلزپارٹی کے رہنما خورشیدشاہ نے اثاثے جات ریفرنس میں ضما نت پر رہائی کے بعد میڈیا سے گفتگو کرتے ہوئے کہا کہ جے آئی ٹی ہو یا نیب تعاون

کرتا رہوں گا،سیاست دان اپنے حلقے میں ہو تو عوام کی خدمت کرسکتا ہے، میں نے کوئی غلط کا م نہیں کیا چاہتاہوں دودھ کا دودھ اور پانی کا پانی ہوجائے ۔ انہو ںنے کہا کہ نیب کے اس الزام سے میری    32سالہ سیا سی زندگی بری طرح متاثر ہو ئی ہے مجھے یقین ہے انصاف ملے گا جب تک ملک میں انصاف ہو تا رہے گا  ملک کو ترقی یافتہ ہو نے سے  کو ئی نہیں روک سکتا ملک میں عدالتیں آزاد ہیں اور وہ قانو ن کے مطابق ٖفیصلے کر رہی ہے ۔

موضوعات:خورشیدشاہ