بگڑے رئیس زادے کی سرعام بدمعاشی ،گاڑی سے نکل کر نوجوان پر سرعام تشدد،پستول بھی تان لیا ، دھمکیاں جانتے ہیں یہ بگڑا رئیس زادہ کون ہے؟ تفصیلات سامنے آگئیں‎

  اتوار‬‮ 15 دسمبر‬‮ 2019  |  14:01

اسلام آباد(مانیٹرنگ ڈیسک) لاہور میں بااثر شخص کا دن دہاڑے شہری پر تشدد ۔ تفصیلات کے مطابق سوشل میڈیا پر ایک ویڈیو تیزی سے وائرل ہورہی ہے جس میں دیکھا جاسکتا ہے کہ لاہور کے کیولری گراؤنڈ میںایک بڑی گاڑی سے نکلنے والے شخص نے نہتے شہری پر اسلحہ تان کر اسے گریبان سے پکڑ کر دھکے دیے اور زمین پر گرا کر اسے زدوکوب کیا۔شہری اسلحے کی وجہ سے خاموشی سے تشدد کا نشانہ بنتا رہا جبکہ بااثر شخص نے شہری کو سڑک کنارے اسلحے کے زور پر زمین پر گرا کر تھپڑ اور ٹھوکریں ماریں۔ ویڈیو میں دیکھا


جا سکتا ہے کہ شہری سڑک کنارے گرین بیلٹ کے کنارے پر بیٹھا ہے اور کار سوار نے اسے تھپڑ مارے جس کے بعد اس نے گاڑی سے پستول نکال کر شہری پر تان لیا اور پھر اسکے منہ پر اپنے پاؤں سے ٹھوکریں ماریں۔ سڑک پر ٹریفک چل رہی تھی جبکہ پولیس دور رہی اور شہری کی مدد کیلئے کوئی نہ آیا۔ بااثر شخص کے زیر استعمال گاڑی عقیل مرزا نامی بندے کے نام رجسٹر ہے،2017 ماڈل کی جیپ کا مالک لاہور کا رہائشی ہے۔دوسری جانب پولیس کا اس واقعہ سے متعلق کوئی ردعمل سامنے نہ آسکا۔شہریوں نے مذکورہ شخص کو گرفتار کر کے سخت سے سخت سزا دینے کا مطالبہ کیا ہے ۔

موضوعات: