سکھر(این این آئی)نیب سکھر نے جیکب آباد میونسپل کمیٹی کے چیئرمین عباس جاکھرانی کو گرفتار کرلیا ہے۔نیب ذرائع کے مطابق عباس جاکھرانی صوبائی مشیر جیل خانہ جات اعجاز جھکرانی کے کزن ہیں، ان کے خلاف تین ماہ سے فریال تالپور کو تحفے میں دی جانیوالی گاڑی کے حوالے سے تحقیقات جاری تھیں، اس کیس میں انہوں نے ضمانت لے رکھی تھی،تاہم ضمانت مکمل ہونے
پر نیب نے گرفتار کیا۔نیب ذرائع نے بتایا کہ مذکورہ گاڑی کی ادائیگی اومنی گروپ سے کی گئی تھی،اعجاز جاکھرانی کو اس سے قبل بائیس دسمبرکو ایف آئی اے کراچی نے طلب بھی کیا تھا۔واضح رہے کہ نیب اس سے قبل آمدن سے زائد اثاثے رکھنے کے الزام میں پیپلز پارٹی کے رہنما خورشید شاہ اور میئر کراچی وسیم اختر کے مشیر لیاقت قائم خانی کوگرفتار کرچکاہے ۔
