اسلام آباد(مانیٹرنگ ڈیسک)معروف صحافی و تجزیہ کار شاہد مسعود نے نجی ٹی وی پروگرام میں گفتگو کرتے ہوئے کہا کہ نواز شریف سے متعلق ایسی کوئی خبر نہیں آئی کہ ان کے نعرے لگ رہے ہوں یا کچھ اور، لیکن شہباز شریف کے حوالہ سے ایسی کئی خبریں آ رہی ہیں۔ اس لئےخود  عمران خان بھی آج تک پریشان ہیں اور ان کا یہ گمان ہے کہ شہباز شریف کی کہیں نہ کہیں کوئی سیٹنگ ہو رہی ہے۔عمران خان کا کہنا یہ ہے کہ احتساب ہو گا لیکن ن  لیگ کو جو ریلیف

دیا جا رہا ہے اور جو عدالت سے فیصلے آ رہے ہیں اس سے ان کا گمان مزید بڑھ رہا ہے۔ کیونکہ ایک دم سے نواز شریف اور مریم نواز بھی خاموش ہو گئے ہیں۔ پرویز رشید کدھر گئے انکا بھی کچھ پتہ نہیں ، ہاں البتہ چودھری نثار اور شہباز شریف کی آپس میں سیٹنگ ہو گئی ہے۔واضح رہے کہ چودھری نثارنے پارٹی قیادت سے اختلافات کی وجہ سےعام انتخابات 2018ء میںآزاد حیثیت سے حصہ لیا اور صوبائی سیٹ پر کامیابی حاصل کی تھی لیکن ابھی تک حلف نہیں اٹھایا۔