لاہور( این این آئی) لاہور کے علاقہ ستوکتلہ میں مبینہ طور پر گھریلو جھگڑے پر شوہر نے اپنی دو بیویوں کو موت کے گھاٹ اتار دیا۔بتایا گیا ہے کہ گھریلو جھگڑے پر ریاست عرف جگا نامی شخص نے اپنی دوبیویوں کو فائرنگ کرکے قتل کردیا اور موقع واردات سے فرار ہونے میں کامیاب ہوگیا۔اطلاع ملنے پر پولیس کی بھاری نفری موقع پر پہنچ گئی جس نے ابتدائی
تحقیقات اور جائے وقوعہ سے شواہد اکٹھے کرنے کے بعد لاشوں کو جناح ہسپتال کے مردہ خانہ منتقل کردیا۔پولیس کا کہنا ہے کہ نسرین اور بشریٰ بی بی کے قتل کی لرزہ خیز واردات سے قبل دونوں بیویوں اور شوہر کے درمیان گھریلو ناچاکی پر جھگڑا ہوا اور ملزم نے غصے میں آ کر فائرنگ کردی جس کے نتیجے میں دونوں بیویاں موقع پر ہی دم توڑ گئیں۔
