لاہور (نیوز ڈیسک)پنجاب اسمبلی کی تاریخ میں پہلی مرتبہ محفل میلاد ؐ منعقد کرانے پر سپیکر پنجاب اسمبلی چوہدری پرویز الٰہی کو خراج تحسین پیش کرنے کی قرارداد پنجاب اسمبلی میں جمع کرا دی گئی۔قرارداد مسلم لیگ (ق) کے رکن پنجاب اسمبلی ساجد احمد خاں کی جانب سے جمع کرائی گئی جس کے متن میں کہا گیا کہ اللہ رب العالمین نے حضرت محمد مصطفی ؐ کو کائنات کے لئے

رحمت العالمین بنا کر بھیجا۔ حضورؐ کی تعریف و توصیف دنیا اور آخرت میں ہماری نجات کا باعث بنے گی۔متن میں کہا گیا کہ صوبائی اسمبلی پنجاب پاکستان کا ایک معتبر ادارہ ہے جس نے پاکستان کی تعمیر و ترقی میں اہم کردار ادا کیا ہے۔ پنجاب اسمبلی کی عمارت کا سنگ بنیاد17نومبر1935 کو رکھا گیا جو 1938 میں مکمل ہوئی۔ 80سال گزرنے کے باوجود پنجاب اسمبلی کی عمارت میں سرکاری طور پر محفل میلادالنبیؐ نہیں منائی گئی تھی۔ اللہ تعالی نے پنجاب اسمبلی کی عمارت میں سرکاری طور پر محفل میلادالنبیؐ منانے کے آغاز کی سعادت سپیکر پنجاب اسمبلی چودھری پرویز الہی کی جھولی میں ڈال دی ہے۔حضرت محمد مصطفی ؐ سے محبت اور لگا کے اس جذبے کو ناصرف پاکستان بلکہ دنیا بھر میں مقیم مسلمانوں نیبیحد سراہا ہے۔حضرت محمد مصطفی ؐ سے محبت اور لگا کے اس جذبے کو ناصرف پاکستان بلکہ دنیا بھر میں مقیم مسلمانوں نیبیحد سراہا ہے۔بیشک پنجاب اسمبلی میں محفل میلادالنبیؐ منعقد ہونا پنجاب اسمبلی سے تعلق رکھنے والے ہر شخص کے لئے باعث افتخار ہے۔ متن میں کہا گیا کہ محفل میلادالنبیؐ کا انعقاد پنجاب اسمبلی کی تاریخ میں سنہرے باب کا اضافہ ہے۔”صوبائی اسمبلی پنجاب کا یہ ایوان پنجاب اسمبلی میں محفل میلاد النبی ؐ کے انعقاد کا آغاز کرنے پر سپیکر پنجاب اسمبلی چودھری پرویز الہی کو خراج تحسین پیش کرتا ہے۔

موضوعات:پرویز الٰہی محفل میلاد