اسلام آباد (مانیٹرنگ ڈیسک) سابق وزیراعظم میاں محمد نواز شریف کی احتساب عدالت میں العزیزیہ فلیگ شپ ریفرنس میں پیشی تھی، ایک نجی ٹی وی چینل کی رپورٹ کے مطابق میاں نواز شریف انتہائی خوشگوار موڈ میں تھے، جیل کا کھانا کھا کھا کر میاں نواز شریف کے صبر کا پیمانہ لبریز ہو گیا، انہوں نے اپنے کھانے کے لیے سماعت کے وقفے کے دوران برگر منگوا لیا، اس موقع پر میاں نواز شریف کے لیے لائے گئے کھانے کو اندر لے جانے کی اجازت بھی دے

دی گئی، میاں نواز شریف کے پاس لیگی رہنما بھی موجود تھے وہ بھی ان کے ساتھ جوس اور برگر کھانے میں مصروف رہے، عرفان صدیقی، چوہدری تنویر، جاوید ہاشمی اور مشاہد اللہ بھی سابق وزیراعظم میاں نواز شریف کے ہمراہ تھے۔ جب ایک صحافی نے میاں نواز شریف سے سوال کیا کہ آج آپ بہت ہشاش بشاش دکھائی دے رہے ہیں تو انہوں نے شاعری کے انداز میں جواب دیا کہ ان کو دیکھنے سے جو منہ پر آتی ہے رونق، وہ سمجھتے ہیں بیمار کا حال اچھا ہے۔

موضوعات:میاں محمد نواز شریف