بنوں (آ ئی این پی ) ٹاؤن شپ کے قریب مسلح افراد نے گاڑی پر فائرنگ کر دی جس سے پاکستان تحریک انصاف کے ڈسٹرکٹ کونسلر زعفران خان زخمی ساتھی جاں بحق ہو گیا،وجہ عداوت جائیداد تنازعہ بتایا ہے ،پولیس نے مقدمہ درج کرکے تفتیش شروع کر دی۔تفصیلات کے مطابق پاکستان تحریک انصاف یونین کونسل اسپرکہ وزیران کے ڈسٹرکٹ کونسلر زعفران خان اپنے چچا زاد بھائی کے ہمراہ خلیفہ گل نواز ہسپتال کے سامنے

دوائی خرید رہے تھے کہ مبینہ ملزمان احسان اللہ ، شاہ عبداللہ اور رضوان اللہ نے آ کر ان پر فائرنگ کر دی جس سے زعفران خان زخمی ہو گئے جبکہ چچا زاد بھائی فرمان موقع پر جاں بحق ہو گئے اسی طرح خلیفہ گل نواز ہسپتال گیٹ میں ڈیوٹی پر مامور پولیس اہلکار بھی فائرنگ کی زد میں آ گیا اور معمولی زخمی ہو ا پولیس کے مطابق وجہ عداوت جائیداد پر تنازعہ بتایا گیا ہے پولیس نے مقدمہ درج کرکے تفتیش شروع کر دی۔