لاہور (مانیٹرنگ ڈیسک) فیڈرل بورڈ آف ریونیو کے بی ٹی بی زون نے ٹیکس دائرہ کار بڑھانے کیلئے تفصیلات اکٹھی کرنا شروع کردیں۔بتایا گیا ہے کہ ایف بی آر نے ٹیکس دائرہ کار بڑھانے کیلئے حال ہی میں براڈننگ آف ٹیکس بیس زونقائم کیا ہے، ایف بی آر کے بی ٹی بی زون نے شہر میں لگژری گاڑیوں،بڑے پلازوں،کمرشل جائیدادوں اورمہنگی ہاؤسنگ سکیموں میں سرمایہ کاری کرنے والے شہریوں کا ریکارڈ مرتب کرنا شروع کردیا ہے۔بی ٹی بی زون نے شہر کے مہنگے سکولوں میں پڑھنے والے بچوں کے والدین کے

ذرائع آمدن کو ٹیکس نیٹ میں شامل کرنے کیلئے بھی تفصیلات جمع کرنے کا عمل شروع کردیا ہے۔بی ٹی بی زون نے اندرون و بیرون ملک باربار فضائی سفر کرنے والے شہریوں کا ریکارڈ مرتب کرنا شروع کردیا ہے۔ایف بی آر ذرائع کے مطابق بجلی اور گیس کے بھاری بھرکم بلز ادا کرنے کے باوجود ٹیکس نیٹ میں شامل نہ ہونے والیشہریوں کی تفصیلات بھی اکٹھی کی جارہی ہیں۔ایف بی آرنے ٹیکس دائرہ کار کووسعت دینے کیلئے ٹریکر سسٹم کے ذریعے اکٹھی کی گئی تفصیلات بھی بی ٹی بی زون کو منتقل کردی ہیں۔

موضوعات:فیڈرل بورڈ آف ریونیو