اسلام آباد(مانیٹرنگ ڈیسک)نوعمر خودکش بمبار کے پنجاب میں داخلے کی اطلاع، حساس اداروں نے پولیس اور قانون نافذکرنےوالے اداروں کو آگاہ کر دیا، مبینہ خودکش بمبار کی تصویر سمیت تفصیلات جاری۔ تفصیلات کے مطابق حساس اداروں نے ایک نوعمر خودکش بمباری کے پنجاب میں داخلے کی اطلاع دیتے ہوئے پولیس اور قانون نافذ کرنے والے اداروں کو آگاہ کر دیا ہے۔ حساس اداروں کی رپورٹ کے مطابق کالعدم تنظیم کے (گیدارگروپ) کے کمانڈر غفران کی جانب سے کم عمر خودکش بمبار کو پنجاب روانہ کیا گیا ہے

جو لاہور سمیت پنجاب کے کسی بھی شہر میں تحریک کاری کی بڑی کارروائی کر سکتا ہے۔ مبینہ خودکش حملہ آور کی تصویر کو ایس پی سے لیکر بیٹ افسران تک تمام لاہور پولیس کو شیئر کر دیا گیا ہے جبکہ اس مبینہ خودکش حملہ آور کی تصویر کو تھانوں میں بھی آویزا ں کر دیا گیا ہے تاکہ تھانوں میں آنے والے شہری بھی اس دہشت گرد کو دیکھ سکیں اور اگر کسی کو اس کے متعلق کچھ معلومات ہوں تو وہ پولیس کو بتا دیں۔خودکش بمبار کی اطلاع پر لاہور کے تمام داخلی و خارجی راستوں پر سکیورٹی مزید سخت کر دی گئی۔

موضوعات:خودکش بمبار