پشاور(این این آئی)خیبر پختونخوا کے سابق صوبائی وزیر ضیاء اللہ آفریدی نے کہا ہے کہ خیبر پختونخوا میں تمام محکمے تباہ ہو چکے ہیں،انہوں نے الزام عائد کیا کہ عمران خان اپنے کرپٹ وزیر اعلیٰ کو تحفظ دے رہے ہیں۔پشاورپریس کلب میں نیوز کانفرنس میں سابق صوبائی وزیر ضیاء اللہ آفریدی کا کہنا تھا کہ عمران خان اپنے کرپٹ وزیر اعلیٰ کو تحفظ دے رہے ہیں بینک آف خیبر،پیڈو اور محکمہ صحت اس کی مثالیں ہیں،

خیبر پختونخوا میں تمام محکمے تباہ ہو چکے ہیں،عمران خان پاکستانی نوجوانوں کو ریاست کیخلاف اکسا رہے ہیں،عمران نیازی پہلے خود کو عدالتوں سے کلیئر کرائیں، خان مسلسل گالی گلوچ کی سیاست کررہے ہیں،صوبائی ڈپٹی جنرل سیکرٹری پیپلزپارٹی بہرہ مند تنگی کا کہنا تھا کہ عمران خان نے حیدرآباد میں آصف زرداری اوربلاول کیخلاف غلط زبان استعمال کی،آصف زرداری عدالتوں کے ذریعے بری ہوچکے ہیں۔

موضوعات:ضیاء اللہ آفریدی