لاہور(نیوزڈیسک)تاج کمپنی کے سامنے خالی پلاٹ میں کھڑے ٹرک میں موجود بارودی مواد کی وجہ سے دھماکہ ہوا، بیس سے زائد زخمی ہسپتال منتقل کردیئے گئے ہیں،زورداردھماکے کی وجہ سے تین منزلہ عمارت گرگئی جس کی وجہ سے بڑی تعداد میں لوگ زخمی ہوگئے، متعدد افراد ملبے تلے دب گئے، تفصیلات کے مطابق لاہورمیں زورداردھماکہ ہوا ہے جس کی وجہ سے بوروڈ پر واقع شادی ہال اور ملحقہ عمارتیں متاثر ہوئی ہیں،

ذرائع کے مطابق مقامی کالج کی عمارت بھی جزوی طورپر منہدم ہوگئی ہے جس کے نیچے کئی افراد ملبے تلے دب گئے ہیں، دھماکے سے اب تک بیس افراد کو ہسپتال منتقل کیاجاچکاہے،پولیس نے علاقے کو گھیرے میں لے کر تفتیش شروع کردی ہے، ذرائع کا کہنا ہے کہ دھماکہ ایک ٹرانسفارمر کے قریب کھڑے ٹرک میں بارودی مواد پھٹنے سے ہوا ،علاقے کو سیکورٹی اداروں نے مکمل طورپر گھیرے میں لے لیا ہے اور اس جانب کسی کو جانے کی اجازت نہیں دی جارہی۔ حساس اداروں کے ذرائع کا کہنا ہے کہ یہ انتہائی شدید دھماکہ تھا جس میں بڑی مقدارمیں بارودی مواد استعمال کئے جانے کاخدشہ ہے۔ فی الحال براہ راست دھماکے سے کسی کے متاثر ہونے کی کوئی حتمی اطلاعات نہیں ملی ہیں زیادہ تر زخمی قریبی عمارت منہدم ہونے کی وجہ سے متاثر ہوئے ہیں اس حوالے سے اس دھماکے کو مشکوک بھی قراردیاجارہاہے ، تحقیقاتی ادارے ہر پہلو سے تفتیش جاری رکھے ہوئے ہیں۔‎ تاج کمپنی کے سامنے خالی پلاٹ میں کھڑے ٹرک میں موجود بارودی مواد کی وجہ سے دھماکہ ہوا، متعدد افراد ملبے تلے دب گئے بیس سے زائد زخمی ہسپتال منتقل کردیئے گئے ہیں

موضوعات:بارودی مواد تاج کمپنی دھماکہ