اسلام آباد (آئی این پی) وزیر اعظم نواز شریف کی زیرصدارت ہونے والے پارلیمانی پارٹی کے اجلاس میں 206 لیگی ارکان پارلیمنٹ نے شرکت کی وزیر داخلہ چوہدری نثار ذاتی مصروفیات جبکہ تعلیم کے وزیر مملکت بلیغ الرحمان سمیت 14 ارکان بیرون ملک دوروں پر ہونے کی وجہ سے شرکت نہ کر سکے۔

تفصیلات کے مطابق جمعہ کو وزیر اعظم نواز شریف کی صدارت میں ہونے والے پارلیمانی پارٹی کے اجلاس میں پارلیمانی ارکان کی بڑی تعداد نے شرکت کی،بہت کم ایسے ارکان تھے جو شریک نہیں ہو سکے ، ان میں رضا حیات ہراج اور دیگر شامل ہیں جبکہ وفاقی وزیر داخلہ چوہدری نثار علی خان ذاتی مصروفیات کی بناء پر اجلاس میں شریک نہ ہو سکے، ذرائع کے مطابق بیرون ملک موجود ہونے والے باقی تمام ارکان نے اجلاس میں شرکت کی، جن کی تعداد 206ہے۔ وزیراعظم جب شرکت کیلئے آئے تو تمام ارکان نے ان کی قیادت پر مکمل اعتماد کا اظہار کرتے ہوئے بھرپور ساتھ دینے کا اعلان کیا۔

موضوعات:پارلیمانی پارٹی وزیر اعظم نواز شریف