اسلام آباد(مانیٹرنگ ڈیسک)پوری قوم جس دن کا انتظارکر رہی تھی وہ آپہنچا ہے، جے آئی ٹی آج 10جولائی کو پانامہ کیس کی حتمی رپورٹ سپریم کورٹ میں جمع کرائے گی، ریڈ زون میں ہائی الرٹ، داخلی و خارجی راستوں پر سکیورٹی کے سخت ترین انتظامات ہیں،

دن ایک بجے سپریم کورٹ کے کمرہ نمبر 3میں تین رکنی بنچ جسٹس اعجاز افضل کی سربراہی میں جے آئی ٹی رپورٹ کا عبوری جائزہ لے گا،جبکہ تصویر لیک معاملے پر حکومتی جواب کا بھی جائزہ لیا جائے گا اس کے علاوہ چیئرمین ایس ای سی پی کے خلاف رپورٹ بھی زیر غور آئے گا، ڈی جی ایف آئی اے نے کارروائی کی سفارش کی ہوئی ہے۔ تفصیلات کے مطابق پانامہ جے آئی ٹی آج 10ستمبر کو حکمران شریف خاندان کے خلاف منی لانڈرنگ، لندن فلیٹس کے حوالے سے آج اپنی حتمی رپورٹ سپریم کورٹ میں پیش کرے گی، کسی بھی ناخوشگوار واقعہ سے نمٹنے کیلئے ریڈ زون میں ہائی الرٹ جبکہ اطراف کے داخلی و خارجی راستوں پر سکیورٹی کے سخت ترین حفاظتی انتظامات کئے گئے ہیں۔ جے آئی ٹی کی رپورٹ پر دن ایک بجے سپریم کورٹ کے کمرہ نمبر 3میں تین رکنی بنچ جسٹس اعجاز افضل کی سربراہی میں جے آئی ٹی رپورٹ کا عبوری جائزہ لے گا جبکہ حسین نواز کی تصویر لیک معاملے پر حکومتی جواب کا بھی جائزہ لیا جائے گا اس کے علاوہ چیئرمین ایس ای سی پی کے خلاف رپورٹ بھی زیر غور آئے گی جس میں ڈی جی ایف ایف آئی اے نے کارروائی کی سفارش کی ہے۔