لاہور( آئی این پی ) مسلم لیگ ( ق) کے سربراہ چوہدری شجاعت حسین نے کہا ہے کہ متحدہ قومی موومنٹ پرویز مشرف کی پارٹی میں ضم ہو سکتی ہے ،پرویز مشرف سے ملاقات میں مختلف موضوعات پر بات ہوئی ، ان سے مسلم لیگ(ن) سے متعلق بھی بات ہوئی ، پرویز مشرف صوبائی نہیں قومی سطح کی سیاست کرنا چاہتے ہیں ۔

پیر کو نجی ٹی وی پروگرام میں گفتگو کرتے ہوئے چوہدری شجاعت نے کہا کہ متحدہ قومی موومنٹ کی سربراہی قبول کرکے پرویز مشرف صوبائی سطح کے لیڈر بنیں گے مگر وہ صوبائی نہیں قومی سطح کی سیاست کرنا چاہتے ہیں ۔ انہوں نے کا کہ متحدہ قومی موومنٹ پرویز مشرف کی پارٹی میں ضم ہو سکتی ہے ۔ ساری زندگی میں صرف دو بار جی ایچ کیو گیا تھا ۔ چوہدری شجاعت نے کہا کہ پرویز مشرف سے ملاقات میں مختلف موضوعات پر بات ہوئی ۔ مسلم لیگ (ن) سے متعلق بات ہوئی اور کھانے پینے سے متعلق بھی بات ہوئی ۔ انہوں نے کا کہ پرویز مشرف ے ساتھ فنکشنل لیگ وغیرہ کے ساتھ الائنس کی بات نہیں ہوئی

موضوعات:ایم کیو ایم چوہدری شجاعت