پاک بھارت کشیدگی ،پرویز مشرف کو پاکستان کا موقف پیش کرنے کیلئے اہم ترین دعوت

  منگل‬‮ 18 اکتوبر‬‮ 2016  |  20:43

اسلام آباد (این این آئی) آل پاکستان مسلم لیگ کے چیئرمین جنرل(ر)پرویز مشرف نیویارک یونی ورسٹی میں پاکستانی اور بھارتی طلباء سے خطاب کریں گے۔پرویز مشرف طلباء سے پاک بھارت کشیدگی اور خطے میں قیام امن کے موضوع پر گفتگو کریں گے۔انہیں خطاب کے لئے نیویارک یونی ورسٹی نے مدعو کیا ہے۔ پارٹی سکرٹری جنرل ڈاکٹر محمد امجد کے مطابق نیویارک یونی ورسٹی نے جنرل(ر) پرویز مشرف کو اپنے ایک ہزار سے زائد پاکستانی اور بھارتی طلباء سے دونوں ممالک کے مابین حالیہ کشیدگی اور خطے میں قیام امن کے موضوع پر خطاب کرنے کے لئے دعوت دی ہے۔ اس سلسلے میں پرویز مشرف 21اکتوبر کو طلباء سے نیویارک ٹائم کے مطابق شام 6بجیخطاب کریں گے۔ڈاکٹر محمد امجد کا کہنا تھا کہ دنیا پرویز مشرف کی قائدانہ اور مدبرانہ صلاحیتوں کی معترف ہے۔یہی وجہ ہے کہ دنیا کے بڑے بڑے فورمز مختلف موضوعات پر لیکچرز کے لئے انہیں مدعو کرتے رہتے ہیں۔انہوں نے کہا کہ سابق امریکی صدر بل کلنٹن کے بعد دنیا میں پرویز مشرف کے لیکچر کا ریٹ سب سے زیادہ ہے۔دنیا لاکھوں ڈالرز خرچ کر کے ان کے لیکچر ز کا انتظام کرتی ہے جو کہ ان کی بھرپور صلاحیتوں کا اعتراف ہے مگر بدقسمتی سے پاکستانی مفاد پرست اور ملک دشمن عناصر نے جنرل(ر)پرویز مشرف پر بے جا پابندیاں لگا کر قوم کو ان سے مستفید ہونے کا حق چھین لیاہے۔ اگر پرویز مشرف حکومت کا تسلسل جاری رہتا تو آ ج پاکستان دنیا کے خوشحال اور ترقی یافتہ ممالک کی صف میں کھڑا ہوتا ۔



موضوعات:

زیرو پوائنٹ

قیروان شہر میں چند گھنٹے

قیروان تیونس شہر سے دو گھنٹے کی ڈرائیو پر واقع ہے‘ شہر کی بنیاد حضرت عثمان غنیؓ کے دور میں عقبہ بن نافع نے رکھی اور یہ شمالی افریقہ میں مسلمانوں کا پہلا شہربن گیا‘ اس مقام کا انتخاب صحابی رسول حضرت ابوزمان البالوئی ؓ(Balaoui) نے کیا تھا‘ آپؓ 654ء میں یہاں تشریف لائے اور بربر قبائل کو دعوت اسلام ....مزید پڑھئے‎

قیروان تیونس شہر سے دو گھنٹے کی ڈرائیو پر واقع ہے‘ شہر کی بنیاد حضرت عثمان غنیؓ کے دور میں عقبہ بن نافع نے رکھی اور یہ شمالی افریقہ میں مسلمانوں کا پہلا شہربن گیا‘ اس مقام کا انتخاب صحابی رسول حضرت ابوزمان البالوئی ؓ(Balaoui) نے کیا تھا‘ آپؓ 654ء میں یہاں تشریف لائے اور بربر قبائل کو دعوت اسلام ....مزید پڑھئے‎