اسلام آباد(مانیٹرنگ ڈیسک) سابق صدرپرویزمشرف نے کہاہے کہ جن افراد کومیں نے اپنے دورحکومت میں سب سے زیادہ نوازاہے وہی آج میرے خلاف بڑھ چڑھ کربول رہے ہوتے ہیں اورمجھے اس کابہت افسوس ہے ،ان لوگوں کاکردارہی ایساہے کہ وہ صرف یہی کام کرکے اپنی سیاست کررہے ہیں ۔ایک نجی ٹی وی سے گفتگوکرتے ہوئے پرویزمشرف نے کہاکہ لوٹاگردی اب پاکستان کی سیاست کاایک اصول بن چکی ہے اوران لوٹوں میں سے کچھ افراد کی ہمدردیاں اب بھی میرے ساتھ ہیں ۔انہوں نے کہاکہ پاکستان کی سیاست کااصول ہے کہ لوگ اسی کاساتھ دیتے ہیں جن کی حکومت ہوتی ہے ۔انہوں نے کہاکہ اگریہ لوگ حکومت کاساتھ نہ دیں توان کے خلاف کئی حربے استعمال ہوتے ہیں ،ان کےخلاف پندرہ پندرہ ایف آئی آردرج کرلی جاتی ہیں جبکہ پٹواری اورتھانہ کلچرکی وجہ سے ان کی زمینوں پرقبضہ کرلیاجاتاہے جس کی وجہ سے یہ لوگ حکومت کے ساتھ ہوتے ہیں ۔انہوں نے کہاکہ ان لوگوں کوحکومت کی طرف سے جوفنڈزملتے ہیں وہ کچھ اپنی جیب میں ڈال لیتے ہیں اورکچھ عوام پرخرچ کردیتے ہیں ۔

Inmai jisko maine ziada nawaza wohi ziada ab… by pkpoliticstwelve