کراچی (این این آئی)سابق صدر پرویز مشرف کا ہم شکل سٹی کورٹ سے فلیٹ کی ملکیت کا کیس ہارنے کے بعد سندھ ہائیکورٹ پہنچ گیا ۔تفصیلات کے مطابق سابق صدر پرویز مشرف کا ہم شکل وسیم انصاری سٹی کورٹ سے فلیٹ کی ملکیت کا کیس ہارا تو سندھ ہائیکورٹ کا دروازہ کھٹکھٹا دیا۔ کہتے ہیں کہ ان کے فلیٹ پر دوسری پارٹی نے دعوی کیا تھا لیکن بلڈر کی عدم دستیابی پر کیس ہار گیا ہوں۔ان کا کہنا تھا کہ بلڈر کئی شہریوں کو لوٹ کر بیرون ملک فرار ہو گیا۔ ملکیت کی تصدیق اور بلڈر کیخلاف کارروائی کیلئے سندھ ہائیکورٹ میں اپیل دائر کی ہے۔ انہوں نے عدلیہ پر بھی اعتماد کا اظہار کیا۔ بولے مایوس نہیں انصاف ضرور ملے گا۔

موضوعات:پرویز مشرف