اسلام آباد(آن لائن)ترجمان دفتر خارجہ نے کہا ہے کہ پاکستان اور تھائی لینڈکے درمیان دفاعی معاہدہ طے پا گیا۔دفتر خارجہ سے جاری بیان کے مطابق پاکستانی سفیر اور ڈیفنس سیکریٹری تھائی لینڈ نے معاہدے پر دستخط کیے۔ معاہدے کے تحت سکیورٹی پالیسی انفارمیشن کاتبادلہ کیا جائے گا۔
ترجمان دفتر خارجہ کا کہنا ہے کہ معاہدے کے تحت مشترکہ مشقیں اور ڈیفنس ٹیکنالوجی پرتعاون کیاجائے گا، پاکستانی سفیر اور ڈیفنس سیکریٹری تھائی لینڈ کے درمیان ملاقات میں باہمی دلچسپی کے امور پر بھی بات چیت کی گئی۔ پاکستان اورتھائی لینڈ70 سال کے سفارتی تعلقات کو منا رہے ہیں۔
