اسلام آباد (مانیٹرنگ ڈیسک)پاکستان میں آج کرونا سے مزید 5 ہلاکتیں، تعداد 52 ہوگئی، مجموعی کیسز 3652 تک جا پہنچے۔ تفصیلات کے مطابق آج ملک بھر میں 491 نئے کیسز سامنے آئے اور 5 ہلاکتیں بھی ہوئیں جن میں سے پنجاب میں 3 اور سندھ میں 2 ہلاکتیں ہوئیں۔ نجی ٹی وی جیو کی رپورٹ کے مطابق پاکستان میں کورونا وائرس سے مزید 5 افراد جاں بحق ہوگئے جس کے بعد ہلاکتوں کیمجموعی تعداد 52 ہوگئی جب کہ مزید 491 نئے کیسز سامنے آنے کے بعد متاثرہ افراد کی مجموعی تعداد 3652 تک پہنچ گئی ہے۔ملک بھر میں اب تک
کورونا سے ہونے والی 52 ہلاکتوں میں سے سب سے زیادہ سندھ میں 17 ہلاکتیں ہوئی ہیں، اس کے علاوہ خیبرپختونخوا میں 16، پنجاب 15 جب کہ گلگت بلتستان میں 3 اور بلوچستان میں ایک ہلاکت ہوئی ہے۔