اسلام آباد(مانیٹرنگ ڈیسک )حکومت اور اپوزیشن کا نگران وزیراعظم کے نام پر اتفاق، اعلان 15مئی کو اپوزیشن لیڈر خورشید شاہ کرینگے۔ تفصیلات کے مطابق قومی اسمبلی میں اپوزیشن لیڈر خورشید شاہ نے ایک تقریب کے دوران میڈیا سے گفتگو کرتے ہوئے بتایا ہے کہ حکومت اور اپوزیشن کا نگران وزیراعظم کے نام پر اتفاق ہو گیا۔ نگران وزیراعظم کیلئے 6نام زیر غور تھے جن میں

سے ایک پر اتفاق کر لیا گیا ہے۔ انہوں نے کہا کہ نگران وزیراعظم کے نام پر وزیراعظم شاہد خاقان عباسی بھی متفق ہو چکے ہیں جس کے نام کا اعلان اپوزیشن لیڈر خود کرینگے۔ ان کا کہنا تھا کہ نام متفقہ ہے اور میرے دل میں محفوظ ہے ۔ان کا کہنا تھا کہ بہت اچھا راز داں ہوں میڈیا جتنا بھی کہے وقت سے پہلے نام نہیں دوں گا ۔اگر وقت سے پہلے نام کا پتہ لگ جائے تو میڈیا اس کا تیا پانچہ کر دیتا ہے ۔

موضوعات:خورشید شاہ نگران وزیراعظم