اسلام آباد(مانیٹرنگ ڈیسک)کورونا وائرس میں مبتلا برطانوی وزیراعظم بورس جونسن کی طبیعت بگڑگئی جس کی بعد انہیں آئی سی یو میں منتقل کردیا گیا۔وزیراعظم بورس جونسن کو گزشتہ روز تھامس ہسپتال منتقل کیا گیا تھا جہاں سے انہوں نے ویڈیو کال کے ذریعے کابینہ کی میٹنگ کی سربراہی بھی کی تھی۔کابینہ میٹنگ کے دوران ہی بورس جونسن کی طبیعت ناساز تھی اور بعدازاں برطانوی وزیراعظم نے شام 5 بجے
تک تمام انتظامی امور دیکھے جس کے بعد ان کی طبیعت مزید بگڑگئی۔رپورٹ کے مطابق بورس جونسن کو سانس لینے میں شدید دشواری کے سبب انہیں شام 7 بجے سینٹ تھامس اسپتال کے آئی سی یو میںٕ منتقل کردیا گیا۔برطانوی میڈیا کا بتانا ہےکہ بورس جانسن کی حالت خطرے سے باہر ہے اور وہ ہوش میں ہیں۔ دوسری جانب بورس جونسن نے وزیرخارجہ ڈومینک راب کو نائب کے طورپر ذمہ داریاں ادا کرنے کی ہدایت کردی ۔
