میڈرڈ(این این آئی) کورونا وائرس سے بچاو کے لیے اسپین کیقدیم شہرغرناطہ کی گلیوں میں 500 سال بعد اللہ اکبرکی صدائیں گونج اٹھیں۔غیرملکی خبررساں ادارے کے مطابق رپورٹ کے مطابق اسپین کی البیازین مسجد میں 500 سال کے بعد اذان دی گئی۔ اس سے قبل اسپین میں اذان دینے پر پابندی عائد تھی۔نہ صرف مساجد میں بلکہ اسپین میں رہنے والے کچھ مسلمانوں نے گھروں کی بالکونیوں میں کھڑے ہوکر اذان دی۔یاد رہے کہ اٹلی کے بعد اسپین میں بھی کورونا وائرس نے بڑے پیمانے پر تباہی

مچائی ہے اور تاحال اس مہلک وائرس سے ہلاک ہونے والوں کی تعداد 3 ہزار 434 ہوگئی ہے جو کہ کورونا وائرس کے مرکز چین سے بھی زیادہ ہے جبکہ اسپیں میں گذشتہ 24 گھنٹے میں 738 ہلاکتیں ہوئی ہیں۔کورونا وائرس دنیا بھر میں انسانوں کو جکڑنے میں مصروف ہے،جان لیوا وبا سے 196 ممالک میں 20 ہزار سے زائد افراد ہلاک ہوچکے ہیں جبکہ متاثرہ افراد کی تعداد 4 لاکھ 62 ہزار سے زائد ہیاور 1 لاکھ 13 ہزار سے زائد افراد کورونا وائرس سے صحت یاب بھی ہوچکے ہیں۔