تہران (این این آئی)ایران کے سپریم لیڈر آیت اللہ خامنہ ای نے دوٹوک انداز میں واضح کیا ہے کہ ایران امریکا سے مذاکرات نہیں کرے گا۔ایران کے سپریم لیڈر نے اپنے پیغام میں کہا کہ امریکا سے مذاکرات کا کوئی فائدہ نہیں، یہ نقصان دہ ہوں گے، تاہم ایران کو یورپی اور دیگر ممالک سے مذاکرات میں کوئی مسئلہ نہیں۔آیت اللہ خامنہ ای نے یہ

بھی واضح کیا کہ یورپی ممالک کے ساتھ مذاکرات میں بھی انقلاب کے مرکزی پہلوئوں پر بات نہیں کی جائے گی کیونکہ انقلاب کے پہلووں پر مذاکرات کا مطلب دفاعی صلاحیتوں سے دستبرداری ہے اور ایران اپنی فوجی صلاحیتوں پر مذاکرات نہیں کرے گا۔اس سے پہلے ایران کے صدر حسن روحانی نے کہا تھا کہ امریکا پابندیاں اٹھالے اور دبائو نہ ڈالے تو بات ہوسکتی ہے۔

موضوعات:آیت اللہ خامنہ ای