نیویارک (آن لائن) امریکی خفیہ ایجنسیوں نے بھارت میں لوک سبھا انتخابات کے دوران بڑے خون خرابے کی پیشگوئی کردی ہے۔تفصیلات کے مطابق امریکا کی انٹیلی جنس کمیونٹی نے رواں برس بھارت میں لوک سبھا انتخابات کے دوران بڑے خون خرابے کی پیشگوئی کرتے ہوئے امریکی شہریوں کو اس موقع پر بھارت کا دورہ کرنے سے منع کر دیا ہے۔ڈائریکٹر آف نیشنل آنٹیلی جنس ڈین کوٹس نے امریکی سینیٹ

کو بریفنگ دیتے ہوئے کہا کہ بھارت میں لوک سبھا کے انتخابات کافی اہمیت کے حامل سمجھے جاتے ہیں، ان انتخابات کے دوران وہاں موجود مختلف برادریوں میں کانٹے کا مقابلہ متوقع ہے۔اس دوران ایک دوسرے کو تشدد کا نشانہ بنانے اور قتل و غارت گری کا خدشہ ہمیشہ ہی بنا رہتا ہے۔اس لیے امریکی خفیہ ایجنسیوں نے لوک سبھا انتخابات کے دوران بھارت میں پرتشدد واقعات کی پیشگوئی کی ہے۔۔

موضوعات:بھارت میں بڑے خون خرابے کی پیشنگوئی