سعودی کابینہ نے جوہری توانائی پروگرام کی قومی پالیسی کی منظوری دے دی

  بدھ‬‮ 14 مارچ‬‮ 2018  |  12:45

ریاض(این این آئی)سعودی عرب کی کابینہ نے جوہری توانائی پروگرام کے بارے میں قومی پالیسی کی منظوری دے دی ۔سعودی عرب کی سرکار ی خبررساں ایجنسی کے مطابق منظور کردہ قومی پالیسی کے تحت تمام جوہری سرگرمیاں پْرامن مقاصد کے لیے ہوں گی اور یہ بین الاقوامی معاہدوں کی تحدیدات کے مطابق انجام دی جائیں گی۔اس پالیسی میں جوہری مواد سے قدرتی وسائل کے مفید استعمال کی ضرورت پر زوردیا گیا ہے۔اس کے تحت تابکاری فضلات کو اچھے طریقے سے تلف کیا جائے گا۔سعودی عرب اس وقت تیل کا سب سے بڑا برآمد کنندہ ملک ہے لیکن وہ اب اپنے

اصلاحاتی پروگرام ویڑن 2030ء کے تحت بتدریج تیل کی معیشت پر انحصار کم کررہاہے۔ وہ توانائی کے وسائل کو متنوع بنانے کے لیے جوہری پروگرام کو ترقی دے رہا ہے اور جوہری بجلی پیدا کرنا چاہتا ہے۔سعودی عرب امریکا کے ساتھ پْرامن مقاصد کے لیے جوہری تعاون کا معاہدہ چاہتا ہے اور اس نے مملکت کے پہلے جوہری توانائی پروگرام کی ترقی کے لیے امریکی فرموں کو بھی دعوت دی ہے۔

موضوعات:

آج کی سب سے زیادہ پڑھی جانے والی خبریں