لندن(این این آئی)برطانوی وزیراعظم ٹیریزامے نے بریگزٹ کے معاملے پر دوسرے ریفرنڈم کا امکان مسترد کرتے ہوئے کہاہے کہ اب دوبارہ ووٹ نہیں ہوگا، اس لیے کہ اب یہ ایشو ہے ہی نہیں اور اب بریگزٹ ہی ہوگا ۔۔ادھر برطانوی اخبار نے دعویٰ کیا ہے کہ اگر دوبارہ ریفرنڈم ہوا، تو برطانوی وزیراعظم یورپی یونین ہی میں رہنے کو ترجیح دیں گی۔غیرملکی خبررساں ادارے کے مطابق ایک بیا ن میں برطانوی وزیراعظم ٹیریزامے نے مزید کہا کہ

اگرمزید ووٹنگ ہو ئی تو وہی کروں گی، جو پہلے کیا تھا یعنی بیٹھوں گی اور ایشوز کا بغور جائزہ لوں گی۔ادھر برطانوی اخبار کے مطابق دوبارہ ریفرنڈم ہوا، تو برطانوی وزیراعظم یورپی یونین ہی میں رہنے کو ترجیح دیں گی۔یاد رہے کہ برطانوی وزیراعظم ٹیریزامے نے جون 2016کے ریفرنڈم میں یورپی یونین میں رہنے کے حق میں ووٹ دیا تھا جبکہ ریفرنڈم میں برطانوی عوام کی اکثریت نے یورپی یونین سے نکلنے کے حق میں ووٹ دیا تھا۔

موضوعات:برطانوی وزیراعظم