کراچی(این این آئی)کراچی میں چور اور ڈاکوئوں کا انوکھا گٹھ جوڑ سامنے آگیا۔ عوام نے چور کو پکڑا لیکن اس کے ساتھی اسلحہ کے زور پر چھڑا کر لے گئے۔ملیر شمسی سو سائٹی میں گھر کے اندر چوری کی واردات ہوئی۔ عوام نے ایک چور کو پکڑ کر بجلی کے کھمبے سے باندھ دیا۔

قریب سے گزرنے والے ڈاکوئوں نے چور ساتھی کو پہچان لیا اور پھر اسلحہ کے زور پر کھمبے سے بندھے چور کو چھڑا کر لے گئے۔ڈاکوئوں کا اسلحہ کے زور پر چور کو چھڑا کر لے جانے کا منظر سی سی ٹی وی کیمرے میں محفوظ ہوگیا۔ڈاکو ساتھی چور کو موٹر سائیکل پر بیٹھا کر ساتھ لے گئے، گلی میں موجود بزرگ اور اسکول کے بچے واردات دیکھ کر حیران رہ گئے۔