اپنی عمر سے کہیں بڑا نظر آنے والا چینی نوجوان

  منگل‬‮ 19 جولائی‬‮ 2022  |  15:14

اسلام آباد (مانیٹرنگ ڈیسک )چین کے شہر ژینگ ژو کے ایک 25 سالہ شخص کو دیکھ کر کوئی بھی یقین نہیں کرسکتا کہ وہ واقعی 25 برس کا ہے۔ حال ہی میں اسے صرف 5 منٹوں میں اس وقت شہرت ملی جب اس کی تصاویر آن لائن وائرل ہوئیں۔

رونامہ جنگ کے مطابق اس کی وجہ چینی شہری کی ظاہری شکل و صورت ہے جس میں وہ غیر معمولی طور پر معمر نظر آتا ہے۔ژو نامی یہ شخص کسی ایسی حالت یا بیماری میں بھی مبتلا نہیں کہ وہ اتنی زیادہ عمر کا نظر آئے۔ اسے دیکھ کر یوں لگتا ہے کہ وہ لگ بھگ 45 برس کا ہے، حالانکہ اس کی عمر صرف 25 سال ہے۔ ٹوئٹر کے چینی ہم عصر ویبو پر اس کی جو تصاویر وائرل ہوئیں ان میں وہ پرانے فیشن کے لباس، اسپورٹنگ چشمہ اور بالوں کے مخصوص انداز میں نظر آیا، جس پر لوگ اس کی جانب متوجہ ہوئے اور بعض نے تو اس کی ظاہری وضع قطع پر پُرمزاح جملے بھی کسے۔جہاں اسے مذاق کا نشانہ بنایا گیا وہی بہت سے لوگوں نے اسے مشورہ دیا کہ وہ اپنا وزن کم کرے تاکہ وہ اپنی حقیقی عمر کے مطابق ہی نظر آئے۔



زیرو پوائنٹ

عمران خان کی جنرل باجوہ سے دو ملاقاتیں

یہ 18 اگست 2022ء کی شام تھی‘ صدر عارف علوی کی صاحب زادی نے رات آٹھ بجے اپنی چند سہیلیوں کو کھانے پر ایوان صدر بلا رکھا تھا لیکن پھر سوا سات بجے فون آیا اور صدر پرائیویٹ کار میں صرف ملٹری سیکرٹری کے ساتھ ایوان صدر سے نکل گئے‘ ان کے ساتھ پروٹوکول اور سیکورٹی کی کوئی گاڑی نہیں ....مزید پڑھئے‎

یہ 18 اگست 2022ء کی شام تھی‘ صدر عارف علوی کی صاحب زادی نے رات آٹھ بجے اپنی چند سہیلیوں کو کھانے پر ایوان صدر بلا رکھا تھا لیکن پھر سوا سات بجے فون آیا اور صدر پرائیویٹ کار میں صرف ملٹری سیکرٹری کے ساتھ ایوان صدر سے نکل گئے‘ ان کے ساتھ پروٹوکول اور سیکورٹی کی کوئی گاڑی نہیں ....مزید پڑھئے‎