لاہور( این این آئی)محکمہ موسمیات کے مطابق بارش برسانے والا نیا سسٹم آج ( منگل) ایران کے راستے پاکستان میں داخل ہوگا۔

رپورٹ کے مطابق نئے سسٹم کے زیراثر شمال مشرقی بلوچستان بارشوں کی توقع ہے، بارشوں کا سلسلہ تین روز تک جاری رہے گا۔ بارش کے ساتھ طوفانی ہوائیں چلنے کا بھی امکان ہے۔محکمہ موسمیات کے مطابق مغرب سے آنے والی ہوائوں میں آلودہ ذرات پاکستان کے مغربی حصوں تک پہنچ سکتے ہیں، ان ہوائوں کی وجہ سے ملک کے مغربی علاقوں کا فضائی معیار متاثر ہونے کا خدشہ ہے۔محکمہ موسمیات نے پاکستان میں کالی بارش کے امکان کو مسترد کر دیا تاہم ایران کے راستے آنے والے سسٹم میں آلودگی پیدا کرنے والے ذرات موجود ہونے کے پیش نظر ریجنل آفسز کو بارش کے نمونے جانچ کیلئے جمع کرنے کی ہدایت کر دی ہے۔