اسلام آباد (این این آئی)ایف بی آر کی مربوط حکمت عملی کے باعث پاکستان کی برآمدات میں نمایاں افزائش،برآمدات اگست 2020 کی 1.6 ارب ڈالر سے بڑھ کر دسمبر 2020  میں 2.4 ارب ڈالر تک پہنچ گئیں،دسمبر 2020 میں پاکستانی برآمدات کی افزائش 18.3 فیصد تک رہی،ذرائع کے مطابق گزشتہ سال کے اسی عرصے میں ان کی مالیت 1.993 ارب ڈالر رہی تھی،فنانس ایکٹ، 2020، کے ذریعے بنیادی خام مال اور درمیانی اشیائ  سے متعلق 1,623 ٹیرف لائنوں پر درآمدی ڈیوٹیز کم کر کے صفر کر دی گئیں،اس حکمت عملی کے تحت 164 اشیاء کی اضافی کسٹمز ڈیوٹیز اور ریگولیٹری

ریگولیٹری ڈیوٹیز کو تمام متعلقہ فریقوں کے اشتراک سے ختم کر دیا گیا،میک اِن پاکستان پروگرام کے تحت ایف بی آر نے کم ازکم آٹھ (8) شعبوں کے لئے ڈیوٹی ڈراء  بیک کی شرح بڑھائی، اس تمام تر عمل کے دوران 434, 000 سے زائد کلیم نمٹائے گئے ،پروگرام سے تقریباً 7800 برآمد کنندگان کو فائدہ پہنچا،ایف بی آر نے جولائی سے دسمبر 2020 کے دوران گزشتہ سال کے اسی عرصے کی نسبت سیلز ٹیکس کے 90  فیصد سے زائد ری فنڈ ادا کئے