اسلام آباد (این این آئی)چیئرمین آل پاکستان آٹوموٹوڈیلرز ایچ ایم شہزاد نے پیشکش کی ہے کہ اگر حکومت استعمال شدہ گاڑیوں پر پابندی ہٹائے اور شرائط میں نرمی کرے تو ہم بھی ملک چلانے کیلئے پیسہ دینا چاہتے ہیں۔ ایک انٹرویو میں انہوں نے کہاکہ ایک سال کے دوران گاڑیوں کی قیمتوں میں 60فیصد اضافہ ہوا اور آٹوموٹوڈیلرز پاکستانی عوام کو مہنگی ترین گاڑیاں دے رہے ہیں۔انہوں نے کہا کہ حکومت نیاسمبلرز کا بھرپور ساتھ دیا اور

اسمبلرز نے من مانی قیمتیں بڑھائیں تاہم اب ان کی سیل60فیصد سے بھی کم ہوگئی ہے۔چیئرمین آل پاکستان آٹوموٹوڈیلرز نے کہا کہ حکومت کی جانب سے سستی گاڑیاں بنانے کے لیے تعاون کی پیشکش کی گئی تھی اور وزیراعظم نے کہا ڈالر بچانا ہے تاہم تمام چیزیں باہر سے منگوائی جا رہی ہیں۔ایچ ایم شہزاد نے کہا کہ آٹو انڈسٹری مینوفیکچرنگ پر توجہ نہیں دے رہی جس کے سبب مقامی گاڑیاں ہماری قوت خرید میں نہیں۔

موضوعات:آل پاکستان آٹوموٹوڈیلرز