اسلام آباد(مانیٹرنگ ڈیسک)داتادربار کے باہرخودکش دھماکہ ،5 پولیس اہلکاروں سمیت 8 افراد شہید، 25 زخمی ، 7کی حالت تشویشناک ،نجی ٹی وی کے مطابق پولیس کا کہنا ہے کہ دہشتگرد نے ایلیٹ کی گاڑی کونشانہ بنایا، دہشتگرد مین روڈ سے وی وی آئی پی گیٹ کی جانب گیا،پولیس کی بڑی تعداد نے علاقے کو گھیرے میں لے لیا۔شہید ہونے والوں میں دو پولیس اہلکار شاہد اورسلیم جبکہ شہری کی شناخت رفیق

کے نام سے ہوئی ہے،آئی جی پنجاب نے کہا کہ دھماکے میں 7 کلوبارودی مواد استعمال کیاگیا۔دھماکے کی اطلاع ملتے ہی ریسکیو ٹیمیں جائے وقوعہ پر پہنچ گئی ہیں،تمام سرکاری ہسپتال میں ایمرجنسی نافذ کردی گئی۔وزیراعلیٰ پنجاب عثمان بزدار نے اپنا دورہ بھکر منسوخ کردیا اور داتادربار دھماکے کی انکوائری کا حکم دیدیا،دوسری جانب وزیر اعظم عمران خان نے دھماکے کی شدید الفاظ میں مذمت کی اور رپورٹ طلب کرلی۔

موضوعات:داتا دربار