اسلام آباد (مانیٹرنگ ڈیسک)گزشتہ روز پاکستان نے پہلے ٹی ٹوئنٹی میچ میں آسٹریلیا کو یکطرفہ مقابلے کے بعد 66 رنز سے ہرا دیا،دوسری جانب اس میچ سے پہلے  پاکستانی ٹیم کے سابق کپتان شعیب ملک نے قومی ٹیم کو جوائن کرلیا ۔شعیب ملک بدھ کی صبح حیدر آباد دکن سے متحدہ عرب امارات پہنچے ۔میڈیا رپورٹس کے مطابق بھارتی ٹینس اسٹار ثانیہ مرزا ان دنوں کسی بھی وقت بچے کی ماں بننے والی ہیں۔ثانیہ اور سب سسرال والوں کی خواہش تھی کہ وہ اس خوشی کے موقع پر ہسپتال میں ہی مقیم رہیں۔

لیکن خوش خبری کا انتظار کرنے والے پاکستانی ٹیسٹ کرکٹر نے اب ٹی 20 سیریز میں ملک کی نمائندگی کا فیصلہ کیا ہے۔قومی ٹیم کپتان سرفراز احمد نے گزشتہ روز پریس کانفرنس میں شعیب ملک کے حوالے سے پوچھے گئے سوال کے جواب میں کہا تھا وہ واپس آرہے ہیں تاہم سفر کی تھکاوٹ کی وجہ سے پہلے میچ کی پلینگ الیون میں شامل نہیں ہوں گے۔ دوسرے اور تیسرے میچ کے لیے وہ دستیاب ہوں گے۔اطلاعات کے مطابق شعیب ملک خوش خبری ملنے پر واپس سسرال جاسکتے ہیں۔

موضوعات:ثانیہ مرزا شعیب ملک