اسلام آباد (این این آئی)معروف چینی کمپنی علی بابا کی پاکستان میں دھماکہ خیز انٹری،بڑی ویب سائٹ خرید لی،علی بابا کو فروخت کیے جانے کے بعد بھی ای کامرس ویب سائٹ اسی نام سے اپنا آپریشن جاری رکھے گی،پاکستان کی مقبول ای کامرس ویب سائٹ دراز ڈاٹ پی کو چین کے علی بابا گروپ نے خرید لیا۔غیر ملکی میڈیا کے مطابق راکٹ انٹرنیٹ کمپنی نے اپنی جنوبی ایشیاء کی مقبول ای کامرس ویب سائٹ دراز گروپ علی بابا گروپ کو فروخت کردیا ہے۔راکٹ انٹرنیٹ کے چیف ایگزیکٹو آفیسر

(سی ای او) الیور سیم ور نے ایک پریس کانفرنس کے دوران بتایا کہ دراز کو علی بابا گروپ کو فروخت کرنیکا مقصد ایک نیا تجربہ کرنا ہے تاکہ مارکیٹ میں کمپنی سب سے آگے نکل سکے۔انہوں نے بتایا کہ یہ اقدام پوری دارز ٹیم کے لیے کامیاب ثابت ہوگا۔علی بابا کو فروخت کیے جانے کے بعد بھی دراز گروپ اسی نام سے اپنا آپریشن جاری رکھے گا۔واضح رہے کہ ای کامرس ویب سائٹ ‘دراز ڈاٹ پی کے’ 2012 میں پاکستان، بنگلہ دیش، سری لنکا، نیپال اور میانمار میں متعارف ہوئی تھی۔