لاہور( نیوزڈیسک)شاہدر ہ میں کپڑا بنانے والی فیکٹری میں دھماکے سے دو افراد جاں بحق جبکہ تین شدید زخمی ہو گئے ، دھماکے کی شدت سے قریب واقعہ عمارتیں بھی لر ز اٹھیں،اطلاع ملتے ہی ریسکیو ٹیمیں اورپولیس کی بھاری نفری موقع پر پہنچ گئی ۔ بتایا گیا ہے کہ شاہدرہ میں کپڑا بنانے والی فیکٹری میں کام جاری تھا کہ اسی دوران اچانک دھماکہ ہو گیا جس سے ہر طرف تباہی پھیل گئی ۔

دھماکے کی زد میں آکر دو افراد موقع پر ہی دم توڑ گئے جبکہ تین شدید زخمی ہو گئے ۔ بتایا گیا ہے کہ دھماکہ کی شدت اتنی زیادہ تھی کہ اس سے اطراف کی عمارتیں بھی لرز اٹھیں۔ اطلاع ملتے ہی ریسکیو ٹیمیں اورپولیس کی بھاری نفری موقع پر پہنچ گئی جنہوں نے امدادی کارروائیوں میں حصہ لیا ۔ پولیس نے موقع سے شواہد اکٹھے کر کے تحقیقات کا آغاز کر دیا ہے۔ابتدائی تحقیقات کے مطابق دھماکے کی وجہ سلنڈر پھٹنے کو قرار دیاجارہاہے۔

موضوعات:دھماکے سے دو افراد جاں بحق