لندن (آن لائن)پاکستان میں اکثراوقات گاڑیوں یا ہسپتالوں کے باہر بچوں کی پیدائش کی خبریں آتی رہتی ہیں لیکن اس مرتبہ برطانیہ سے بھی ایسی ہی خبر آگئی لیکن اس کی وجہ عملے کی قلت یا ہسپتال انتظامیہ کا عدم تعاون نہیں تھا بلکہ شدید برفباری اور شاہراہوں کی بندش کیوجہ سے خاتون اپنے نومولود کو گاڑی میں ہی بچے کو جنم دینے پر مجبور ہوگئی۔
غیر ملکی میڈیا رپورٹس کے مطابق برطانوی خاتون ڈینیلا وارنگ دردِ زہ کے باعث اپنے شوہر کے ہمراہ اسپتال جارہی تھیں کہ شدید برف باری میں پھنس گئیں،ریسکیو اداروں کو فون کیا گیا لیکن کسی بھی قسم کی مدد کے درمیان موسم کی سختی حائل رہی،اس سے قبل کہ کوئی طبی امداد پہنچتی خاتون نے اپنے شوہر کی مدد سے گاڑی کے اندر ہی بچے کو جنم دے دیا۔