واشنگٹن (مانیٹرنگ ڈیسک) مسٹر بیسٹ یو ٹیوب پر سب سے زیادہ کمانے والوں میں سرفہرست قرار، 23 سالہ امریکی نوجوان نے اپنی ذہانت سے کمال کر دیا، انہوں نے یوٹیوب سے 2021 میں 5 کروڑ 40 لاکھ ڈالر کما کر سب سے زیادہ کمانے کا اعزاز حاصل کرلیا۔ واضح رہے کہ مسٹر بیسٹ کے نام سے مشہور یوٹیوبر کا حقیقی نام جمی ڈونلڈسن ہے اور انہوں نے گزشتہ برس بڑے پروجیکٹس کیے جن میں نیٹ فلکس کی فلم اسکویڈ گیم پر مبنی ایک ویڈیو بھی بنائی۔ فوربس کا کہنا ہے کہ مسٹر بیسٹ نے یوٹیوب پر 2021 میں پیش کی جانے والی ویڈیوز سے سب سے زیادہ کمائی کی۔انہوں نے گزشتہ سال سب سے زیادہ کمائی کرنے والے بچے ریان جس نے 2 کروڑ 90 لاکھ کمائے تھے اس کو بھی پیچھے چھوڑ دیا ہے۔