اسلام آباد (این این آئی)پاکستان مسلم لیگ (ن) پنجاب کے صدر رانا ثناء اللہ نے وزیر داخلہ شیخ رشید کے بیان کو کھسیانی بلی کھمبا نوچے قرار دیتے ہوئے کہا ہے کہ سیاسی یتیم کا مری شہدا کی توہین پر مبنی بیان زیادتی، سنگ دلی اور افسوسناک ہے ۔ اپنے بیان میں انہوںنے کہاکہ مری سانحہ کے بارے میں شیخ رشید کا بیان عمران خان کے لئے خطرے کی گھنٹی ہے ۔ انہوںنے کہاکہ عمران خان کا چپڑاسی ہی عمران خان کی سیاسی قبر کھودے
گا انشاء اللہ۔ رانا ثناء اللہ نے کہاکہ سیاسی یتیم کا مری شہدا کی توہین پر مبنی بیان زیادتی، سنگ دلی اور افسوسناک ہے ۔ انہوںنے کہاکہ جن سے شہباز شریف کی لائی ہوئی صاف کرنے والی مشینیں نہیں چلتیں وہ صرف زبان چلانا جانتے ہیں۔ انہوںنے کہاکہ نوازشریف اور شہباز شریف سے گھبراہٹ صاف نظر آرہی ہے،شیخ رشید کی کالی عینک کی طرح اس کا سیاسی مستقبل بھی سیاہ ہوچکا ہے۔
