کراچی(آن لائن)انٹر بینک اور مقامی اوپن کرنسی مارکیٹ میں ایک ہفتے کے دوران روپے کے مقابلے ڈالر کی قدر گھٹ گئی جس کے باعث روپیہ تگڑا ہو گیا ۔فاریکس ایسوسی ایشن آف پاکستان کی رپورٹ کے مطابق گذشتہ ایک ہفتے کے دوران انٹر بینک میں روپے کے مقابلے ڈالر کی

قدر میں55پیسے کی کمی واقع ہوئی جس سے ڈالر کی قیمت خرید 176.65روپے سے کم ہو کر176.10روپے اور قیمت فروخت176.75روپے سے کم ہو کر176.20روپے پر آ گئی اسی طرح مقامی اوپن کرنسی مارکیٹ میں ڈالر1.50روپے سستا ہو گیا جس کے بعد ڈالر کی قیمت خرید 178.50روپے سے کم ہوکر177روپے اور قیمت فروخت179روپے سے کم ہوکر177.50روپے پر آ گئی ۔فاریکس رپورٹ کے مطابق زیر تبصرہ مدت میں یوروکی قدر میں50پیسے کا اضافہ ہوا جس سے یورو کی قیمت فروخت201.50روپے سے بڑھ کر202روپے ہو گئی تاہم برطانو ی پونڈ کی قیمت خرید 239روپے اور قیمت فروخت242روپے کی سطح پر مستحکم دیکھی گئی ۔فاریکس رپورٹ کے مطابق ہفتہ کو اوپن مارکیٹ میں ڈالر20پیسے اور یورو50پیسے سستاہو گیا جبکہ برطانوی پونڈ کی قدر میں1روپے کی کمی ریکارڈ کی گئی ۔