راولپنڈی (این این آئی)اومی کرون کے پھیلاؤ کا خدشہ،سول ایوی ایشن اتھارٹی نے کورونا وائرس سے متعلق نئی ایڈوائزری جاری کردی ، اندرون ملک تمام پروازوں پر کھانے کی فراہمی اور اسنیک پر پابندی عائد کردی گئی ۔ نوٹیفکیشن کے مطابق پابندی کا
اطلاق 17جنوری 2022 سے ہوگا ، کھانے کی فراہمی پر پابندی کورونا وائرس کی نئی لہر کے پھیلاؤ کے پیش نظر کی گئی۔ سی اے اے کے مطابق تمام متعلقہ ایئرلائنز اور ادارے نوٹیفیکیشن پر عملدرآمد کو یقینی بنائیں، نوٹیفیکیشن سی اے اے کے شعبہ ایئرٹرانسپورٹ نے جاری کیا۔
