اسلام آباد (این این آئی) پاکستان پیپلزپارٹی کی نائب صدر سینیٹر شیری رحمن نے بجلی کی قیمتوں میں اضافے کی مذمت کرتے ہوئے کہاہے کہ اضافے سے صارفین پر 35 ارب روپے اضافی وصول کئے جائینگے۔ اپنے بیان میں انہوںنے کہاکہ بجلی کی قیمت میں 4 روپے 30 پیسے فی یونٹ کا اضافہ قابل مذمت ہے، یہ فیول ایڈجسٹمنٹ’ کی نہیں ‘نا اہلی ایڈجسٹمنٹ’ کی وصولیاں کر رہے ہیں۔ انہوںنے کہاکہ اضافے سے صارفین پر 35 ارب روپے اضافی

وصول کئے جائینگے۔ انہوںنے کہاکہ خود کنٹینر پر کھڑے ہو کر بجلی کا بل جلانے والے ہر ماہ صارفین سے اربوں روپے لوٹ رہے، دوسری طرف پیٹرول کی قیمتوں میں بھی اضافے کا خدشہ ہے۔ انہوںنے کہاکہ عالمی منڈی میں تیل کی قیمتوں میں اضافے کا بہانہ بنا کر عوام پر مہنگائی کا بم گرایا جائے گا۔ انہوںنے کہاکہ عوام کو رلیف دینے کے لئے اس حکومت کے پاس کوئی منصوبہ نہیں، اب عوام کو ریلیف تب ملے گا جب نااہل سرکار گھر جائے گی۔