کراچی(این این آئی)پی ٹی آئی کی 16 خواتین ارکان قومی اسمبلی وفاقی وزیر علی زیدی کے ہمراہ اسلام آباد سے کراچی پہنچ گئیں۔علی زیدی نے کہا کہ خواتین ارکان قومی اسمبلی ہفتہ کو کراچی پریس کلب پر احتجاج میں شرکت کے لیے کراچی پہنچی ہیں۔ہفتہ کا احتجاج صوبے کے حکمرانوں کی نیندیں حرام کردے گا۔انہوں نے کہا کہ کراچی کے شہریوں کی بڑی تعداد ہفتہ کو

ہونے والے احتجاج میں شرکت کرے گی۔سندھ کے نا اہل حکمرانوں کو بتا دیں گے کہ کراچی کے عوام اپنے حقوق کے دفاع کے لیے کھڑے ہوگئے ہیں۔ہم کسی صورت عوام کے حقوق پر زرداری مافیا کو قابض نہیں ہونے دیں گے۔علی زیدی نے کہا کہ سندھ حکومت کے مسلط کردہ کالا قانون کے خلاف تحریک اب رکنے والی نہیں۔ہفتہ کو میڈیا سے گفتگو میں اہم اعلان کروں گا۔