اسلام آباد (آن لائن) روات نوکری دلوانے کا جھانسہ دے کر مجبور خاتون سے زبردستی زیادتی کرنے والے نون لیگ کے مقامی صدر کے خلاف مقدمہ درج کر لیا گیا ۔ روات کا رہائشی آصف نواز نامی شخص (س) نامی خاتون کو پہلے نوکری پھر شادی کا جھانسہ دیتا رھا۔ اپنی دکان پر بلا کر زیادتی کر ڈالی ملزم روپوش تھانہ سہالہ پولیس نے تلاش شروع کر دی۔ متاثرہ خاتون کے مطابق میڈیکل سٹور پر دوائی لینے گئی آصف نواز سے اس کے میڈیکل سٹور پر ملاقات
ہوئی جس نے بتایا کہ وہ نون لیگ کا مقامی صدر ھے۔ خاتون کے مطابق اس نے اپنی غربت اور مجبوری بتاتے ہوئے نوکری کا کہا اور فون نمبر دے دیا۔ بعد ازاں ملزم نوکری دلوانے کے بہانے فون پر بات کرتا رھا کچھ دن بعد شادی کا جھانسہ بھی دیا۔ آصف نامی ملزم نے کہا میں بیوی کو چھوڑ کر تم سے شادی کروں گا پھر فون کر کے شاپ پر بلایا جہاں زبردستی زیادتی کر ڈالی۔ خاتون کی درخواست پر سہالہ پولیس نے فوری کاروائی کرتے ہوئے مقدمہ درج کرلیا۔
